20 ஆடுகள், 3 ஒட்டகங்களுக்காக ஆண்களுக்கு விற்கப்படும் யுவதிகள்

Report
1148Shares

இளம் யுவ­திகள் 20 ஆடுகள் மற்றும் 3 ஒட்­ட­கங்­களைப் பெற்று ஆண்­க­ளுக்கு திரு­ம­ணத்­துக்­காக விற்­கப்­படும் நடை­முறை கென்­யா­வி­லுள்ள பின்தங்­கிய சமூ­கங்­களில் தற்­போதும் பின்­பற்­றப்­ப­டு­வது தொடர்­பான அதிர்ச்­சி­யூட்டும் தகவல் வெளி­யா­கி­யுள்­ளது.

யுவ­திகள் வய­துக்கு வந்­துள்­ளதை குறிக்கும் பாரம்­ப­ரிய வைப­வத்தின் ஒரு அங்­க­மாக அவர்­களை அவர்­க­ளது எதிர்­கால கண­வர்­மா­ருக்கு விற்கும் நிகழ்வு இடம்­பெ­று­கி­றது.மேற்­படி யுவ­தி­களில் அநேகர் பொகொட் இனத்­துவ குழுவைச் சேர்ந்­த­வர்­க­ளாவர்.

மரிகட் நக­ரி­லி­ருந்து 30 மைல் தொலை­வி­லுள்ள வனப் பிராந்­தி­யத்தில் இந்த இனத்­துவ குழு­வினர் வாழ்­கின்­றனர்.

மேற்­படி இனத்­துவ குழுவைச் சேர்ந்த வய­துக்கு வரும் யுவ­திகள் ஒரு மாத காலத்­துக்கு தனி­மைப்­ப­டுத்­தப்­பட்டு வாழ நிர்ப்­பந்­திக்­கப்­ப­டு­கின்­றனர்.

அந்த யுவ­தி­க­ளுக்­கான திரு­மண ஏற்­பாடு அவர்­க­ளது பெற்­றோரால் அவர்­க­ளுக்குத் தெரி­யாமல் மறைக்­கப்­ப­டு­வது வழ­மை­யா­க­வுள்­ளது. திரு­மண ஏற்­பாட்டை அறிந்தால் தமது மகள்மார் தப்­பிச்­செல்ல முயற்­சிக்­கலாம் என்ற அச்சமே அதற்குக் கார­ண­மாகும்.

திரு­மண வைப­வத்­திற்கு முதல் நாள் கிராம ஆண்­களால் தெரிவு செய்­யப்­பட்ட காளை மாடொன்றை யுவ­திகள் தமது கை முஷ்­டியால் குத்­திய பின் அந்த மாட்டை ஈட்­டியால் குத்திக் கொல்லும் சடங்கு இடம்­பெறும்.

தமது தந்­தை­மாரால் மண­ம­கன்­மா­ருக்கு விற்­கப்­படும் சில யுவ­திகள் திரு­ம­ணத்­துக்கு மறுப்புத் தெரிவிக்கின்ற நிலைமையும் அங்கு நிலவுகிறது. இவ்வாறு மறுக்கும் யுவதிகள் பலவந்தமாக இழுத்துச் செல்லப்பட்டு திருமணம் செய்துவைக்கப்படுகின்றனர்.

33357 total views